Aspis ein wurm geheizen ist,
der zuo der erden strecket ein ôre,
und in daz ander stecket sînes zagels ort,
durch daz er kein wispelwort vernem,
sô man in vâhen wil.
Owê daz nû der selbe list
niht mangen herren decket,
der boeser rede sîn ôre enblecket
hie beid unde dort;
dâvon er den schaden bekort,
daz er verliuret êren vil.
Schalc in sînem munde wundebernde sprüche treit,
dâmit er in schande leit nu ritter unde cnehte,
die durch sîn lasterlich gebrehte werdent vil gemeit:
Swaz ein zühtec man geseit, daz hânt si für ein goukelspil.