Der karge rîche vert von hûs
in purpur unde in bisse;

des waenet er daz er niht misse
glanzer werdekeit
durch sîn liehteberndez cleit:
son hilfet wât für laster niht.

Erbiuwet als ein fledermûs
der schande finsternisse
diu nahtes fliuget vil gewisse

dâ man hât geleit
einen fûlen ronen breit,
den si für liehten glanz ersiht;

alsô nimt diu tumbe
crumbe trüege für wâren schîn.
Ir gelîche mac wol sîn
der karge tugende blôze;

der waenet daz ich im genôze
lop schoen unde fîn:
nein, er hât alsâm ein swîn
ze trüeber schanden phuole phlicht.