Jārlanc wil diu linde von winde sich welwen, diu sich vor dem walde ze balde kan selwen. trūren ūf der heide mit leide man üebet: sus hāt mir diu minne die sinne betrüebet. Mich hānt sende wunden gebunden ze sorgen: die muoz ich von schulden nu dulden verborgen. diu mit spilnden ougen vil tougen mich sźret, diu hāt mīn leit niuwe mit riuwe gemźret. Gnāde, frouwe reine, du meine mich armen! lā dich mīnen smerzen von herzen erbarmen! mīn Gemüete enbinde geswinde von leide! ūz der minne fiure dīn stiure mich scheide!